المساعد الشخصي الرقمي

مشاهدة النسخة كاملة : أشهر الجمل في المنااااااااااااااازل


rose flower
07-26-2010, 02:21 PM
ابوك دايما كان بيطلع الاول على الفصل .

* والله ما انت فالح .. وادي دقني أهه .

...* هو طول النهار قدام الزفت الكمبيوتر مش ممكن كده .

* ما تلزقش في التلفزيون كده .. نظرك هيضيع هتبقى اعمى

* صحابك ايه بس...يا ابني محدش هينفعك .

* ربنا يرزقك بعيل يوريك اللي ورتهوني .

* امشى جاتك مشش فى ركبك.

* ما تطلعش على الملايه النظيفه و رجليك متوسخه كده .

*أوعا حد يضحك عليك ويقولك جرب السيجارة دي.

* ايه الا مبالاه و الاستهتار اللي انت عايش فيهم دول .

* قوم اقرا لك كلمتين ينفعوك .

* وطي المدعوق ده شويه .

* انت فاكرنا نايمين على ودانا ؟

* ما تلبسش القميص على اللحم زي العيال الصايعه .

* بلاش أكل الشارع.

*ياريتك تحفظ دروسك زى مانت حافظ الاغانى.

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* لازم تأكل سلطه .

* اوعى تكدب عليا كده تاني مرره .

* اوعى حد غريب يديلك حاجه تاكلها و تشربها و تاخدها منه .

* يا ابني حرام عليك الى بتعمله فينا ده.

* بلاش لعب في الشارع .

* ما تعليش صوتك .

* وانت فاكر احنا مستنيين منك حاجه .

* المسلسل مش هينفعك ...قوم .

* ما تقعدش قدام المروحه وانت مستحمي .

* كفايه رغي في التليفونات .

* بلاش وقفة الشبابيك و البلكونات .

* كل على مهلك .. وامضغ كويس ... وما تكلش وانت واقف .. وكل من قدامك .

* اطفي التلفزيون وقوم ذاكر . أو اطفي التلفزيون و خش اوضتك .

* ربنا يهديك ربنا يهديك ... وأحيانا .. انك لا تهدي من أحببت .

* صليت العصر ؟!

* ما تمشيش حافي في السقعة دي

* ما فيش مذاكرة على المزيكا وازاى.. بتذاكر و البتاع ده شغال جنبك .

* افرد ظهرك .وانت قاعد

* ماتكلش فى ضوفرك.

* كنت فين لحد دلوقتى يا صايع.

* انا مش عارف انته طالع لمين.

* ما تتأخرش بعد الكلية و تقعد تصيع مع أصحابك .

* بص كويس و انت بتعدي الشارع .

* ومالها الكتب بتاعة الوزاره ؟!

* اللي بيشيل قربه مخرومة بتخر على دماغه ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* يأبنى المذاكره مابتخلصش .

* ما تردش عليا .

* مش عايز اسمع صوت

منقووووووووووووووووووول

طبيب الإسلام
07-26-2010, 02:40 PM
هههههههههههههههههههههه
هو ده الى احنا بنسمعه بس الصراحة فى كلمات مش بنسمعها زى صايع ومزيكا وحاجات كتير أهلنا أعقل من كده
جزاكم الله خيرا

waelrsr
09-19-2010, 09:39 AM
ههههههههههههه
صـــــــــــــــــــــح

rose flower
09-19-2010, 09:39 PM
أسعدني مرورك كروان أبو فرح

محمد جرامون
09-20-2010, 03:12 PM
امش عدل يحتار عدوك فيك

حديث القمر
09-20-2010, 03:20 PM
تأدب من أهلك بدل من تأديب الزمان وتلاطم الأيام

مشكورة

احمد رشاد
09-22-2010, 03:28 AM
بكرة نقعد على الحيطه ونسمع الزغريطه

rose flower
09-23-2010, 12:10 AM
أسعدني مروركم ونورتم الموضوع

جميلة
11-10-2010, 09:17 PM
كمان فية بص لمستفبلك هو انت اما تكبر وتشتغل هتدينا حاجة

rose flower
11-11-2010, 11:27 AM
تسلم أيدك فاتتني دي

waelrsr
11-26-2010, 04:05 PM
لو مش فاهم حاجه ارفع ايدك و قول للأستاذ مش فاهم .. متتكسفش

ساعتها الأستاذ هيقول عليك حــــ................

داود
12-14-2010, 10:09 AM
هو طول النهار قدام الزفت الكمبيوتر مش ممكن كده .



دى صحيحة 100 %

زهرة
01-23-2011, 11:33 PM
ههههههههههههه
مفيش أحسن من :

لازم تاكل سلطة

مشكووورة
فينك يا روز وحشتينا

احمد العمدة
01-23-2011, 11:52 PM
بكره تخلف واحد يطلع روحك
ابقى قابلنى لو فلحت
بكره الحيطه تميل عليك وتندم