المساعد الشخصي الرقمي

مشاهدة النسخة كاملة : مجموعة من حلويات الشيف حسن


اسكندرانية
11-21-2009, 01:28 PM
السلام عليكم ورحمه الله وبركاته




http://files.fatakat.com/2009/8/1249260344.jpg


مين فينا ميعرفش الشيف حسنhttp://forums.fatakat.com/images/bigsmilies/mood25.gif



ولا مين فينا ما بيتابع حلقاته


ولا حتي مين فينا مجربش حلوياتهhttp://forums.fatakat.com/images/newsmilies/sSp_Bdaycake.gif


وعلشان كده هنعمل الملف ده ان شاء الله


نجمع فيهاوصفات وحلويات الشيف حسن

اسكندرانية
11-21-2009, 01:30 PM
صوابع الجلاش بالمكسرات



http://files.fatakat.com/2009/8/1249262560.jpg

المقادير:
1/2 كيلو باكيت جلاش- 250 سمنه سايحه- 150 مكسرات مشكله-200 جم شربات ثقيل بارد

الطريقه:
· اضيف 2 ملعقه شربات علي المكسرات حتي تتماسك سويا
· افرد الجلاش ثم اقطعه طوليا ل3 او4 شرائح حسب السمك المراد
· اخذ من كل مجموعه شرائح ورقتين فقط وادهنهم بالزبده ثم اضع المكسرات علي الطرف
· اقفل ورقه الجلاش علي الحشوه من جهه اليمين ثم من جهه اليسار ثم الفها رول واقطعها حسب السمك المراد
· اضعها في صينيه ثم ادهن ووجهها زبده
· تدخل الفرن علي درجه حراره 200 لمده 30 دقيقه
· تصفي من السمنه وتسقي بالشربات وتقدم وبالف هنا




تورتة الميل في

http://files.fatakat.com/2009/6/1245991166.jpg
4 طبقات ميل فى جاهزة – باسترى كريم – سكر بودرة
الطريقة
نضع فى الطبق راقة ميل فى ثم نضع عليها طبقة باسترى ثم راقة ميل فى وهكزا 3 راقات
ثم نساوى الاطراف بالسكينة
ثم نكسر الراقة الرابعه ونضع عليها باسترى كريم حوالى معلقتين كبار ونخلطهم كويس وندهن بيهم جناب التورتة داير ما يدور ثم نضع شوية ميل فى مكسر ثم نرش الوش كله بالسكر البودرة

http://files.fatakat.com/2009/6/1245991223.jpg


http://files.fatakat.com/2009/6/1245991301.jpg




http://files.fatakat.com/2009/6/1245991368.jpg

http://files.fatakat.com/2009/6/1245991483.jpg

http://files.fatakat.com/2009/6/1245991539.jpg

اسكندرانية
11-21-2009, 01:30 PM
كيك الماني

http://files.fatakat.com/2009/8/1249263131.gif


0 25ج سكر – 200 ج دقيق – 125 ج بندق مكسر – 250 ج ذيبدة – 4بيض – بشر ليمون – 1/2 باكو فانيليا – ملح – 12 ج بيكنج بودر – 125 ج زبيب او فواكة ناشفة
الصوص ( 400 ج سكر – 200 ج فريش كريم )
الطريقة
نضع فى الخلاط الذبدة والسكر لحد ما ينعموما ثم انزل بالبيض بيضة بيضة لحد ما يندمجوا
نضع على الدقيق الملح والبيكنج بودر ونضع الزبيب على البندق
ثم نضعهم على العجينة ونضعهم فى الفورمة المدورة وندخلها الفرن بعد ماتستوى وتطلع
نصب عليها الصوص
طريقة عمل الصوص نضع فى مقلاية السكر ونقلبه لحد مايبقى لومة بنى ثم نضع الفريش كريم ونقلبهم لحد ما يتجانسوا




فطير مشلتت


http://files.fatakat.com/2009/8/1249263249.jpg



500 جرام دقيق - 200 جرام زبدة طرية - 250 جرام ماء - 10 جرام ملح
30 جرام سكر - 10 جرام حليب ( بودرة )
100 جرام فرش كريم



الطريقة
فى العجانة اضع الدقيق و السكر و الحليب البودرة والملح وانزل بالماء شوية شوية والخلاط شغال لحد ماتتكون عجينة
(حوالى 5 دقائق ) ثم اخذ العجينة واضعها فى كيس نايلون تستريح لمدة نصف ساعة
نرش الترابيزة كويس قوى بالدقيق ونفرد العجينة بالنشابة لحد ما تبقى رفيعه خااالص
اجيب الزبدة وبالسكينة اغطى بيها كل العجينة كويس قوى
ثم
ابدء ابرمها (الفها ) زى السويسرول وادهن جنبها بالطول بالسمنة والفها مثل الكرة داير مايدور
وادخل الطرف بتاعها ادخله تحت الكرة
واتركها نص ساعة تستريح شوية وبعدين ادهن وشها كله كويس جدا بالقشطة وزرة ملح
وادخلها الفرن من 1/3 الى 1/2 ساعه
وبالهنا والشفا

اسكندرانية
11-21-2009, 01:31 PM
بلح الشام



http://files.fatakat.com/2009/8/1249261657.jpg






1/2لتر ماء؛؛200جرام زيت؛؛400جرام دقيق؛؛6بيضات+2صفار بيض؛؛ملعقة سكر؛؛ملعقة ملح صغيرة جدا؛

الطريقه
نضع فى حلة الماء والزيت والملح والسكر لحد ما يبتدوا فى الغليان ثم نضع عليهم الدقيق مرة واحدة مع التقليب بسرعه وبشدة وهو على النار علشان الدقيق يستوى
. نضع العجينة فى العجان ويلف لفتين علشان العجينة تبرد او ممكن توضع في الثلاجه حتي تبرد
ثم نضع البيض بيضة بيضة بحيث لا اضع البيضه حتي تتجانس الاولي مع الخليط
. نضع العجينة فى الكيس والقمع . ندهن ايدنا بالزيت.
نضع صينية على النار مليانه زيت على نار هادية جدا ويكون الزيت بارد وننزل بالعجينة نعمل اصابع بلح الشام على كف الايد ثم ننزله فى الصينية لحد ما البلح الشام يتخن وينشف نشيله من الزيت فى المصفاه ثم نضع علية السيرب التقيل وبالف هنا
ملاحظات مهمه احرصي علي ان يكون الزيت بارد حتي بعد متطلعي بلح الشام اول مره اترك الزيت يبرد قبل مضيف باقي الكميه
المقالي كلها تتاكل في نفس اليوم تاني يوم بتطري ممكن تعملي علي الاد وبقيه العجينه تعنيها في الفريزر

لقمه القاضي(الزلابيه - العوامات)


http://files.fatakat.com/2009/8/1249261798.gif

نصف كيلو دقيق-50 جم نشا (ربع كوب نشا- 20 جم خميره (2 م كبيره) 200 جم ماء
الطريقه
اخد من الدقيق ملعقه واخلطها مع 2 م زيت - نصف كوب ماء دافيء -ا ملعقه كبيره خميره- نصف ملعه ملح -نصف ملعقه سكر اخلطهم سويا واتركهم يختلطوا سويا ويختمروا لمده ساعه في مكان دافيء(الخميره البايته)

بعد ساعه اضيف بقيه المقادير اضيف الماء الدافيء حوالي كوب حتي تصبح سائله واتركها تختمر ساعه تانيه

بعد التخمر اهبط العجينه بايدي ثم امسك العجينه بايدي بقوه وبالمعقه اخد العجينه الي الي طالعه من بين السبابه والابهام وضعها في زيت غزير ساخن واقلب فيها حتي تاخد اللون الذهبي

ملحوظه: النشا بيعطي لها قرمشه من بره
الزيت لازم يكون غزير سخن
اضع كوب به زيت جانبي اغمر فيه الملعقه كل شويه حتي لا تلتصق بالعجين اثناء التشكيل
تسقي بشربات ثقيل بارد مثل كل المقالي

وعلي راي الشيف حسن مد ايدك وكل

اصابع زينب

http://files.fatakat.com/2009/8/1249275157.gif

½ كيلو دقيق – 125 ج سامولينا – 150 ج سمنة – 15 ج خميرة فورية – 250 ماء
الشيرة (العسل – القطر) 2 كيلو سكر + كيلو ماء وعصير ليمونة بعد الغليان
الطريقة
نضع الحميرة مع شوية ماء دافىء فى كوب واذوبها
نضع كل المقادير فى الخلاط ونضع عليهم الخميرة المذابة الى
ان تتكون عندى العجينة حوالى 5 دقايق وحلاقى العجينة خلاص مبتلزفش فى اليد
اغطى العجينة واتركها شوية تخمر
اضع العجينة امامى على هيئة صباع طويل او رول ثم اخد منها قطعه قطعه واضغطها
على وش المبشرة الصغير الخشن والف لفة بصوابعى اضعها فى صينية
واتركها تانى لتخمر لمدة ربع ساعه ثم احمرها فى زيت ساخن لحد
ما لونها يحمر واشيلها علبى طول من على النار على الشيرة
الباردة واقلبها كويس فى الشيرة وتقدم

اسكندرانية
11-21-2009, 01:32 PM
كريب المانجو

http://files.fatakat.com/2009/8/1249265995.gif

5 بيضات - 100 ج سكر - 25 ج زيت - 300 ج دقيق -
500 ج حليب - 2 ونص ج ملح - 2 ونص ج فانيليا - 150ج كريم باتسير
قطع مانجو - صوص مانجو
الطريقة
نضع البيض والسكر والملح والزيت والفانيليا مع بعض ونخلطهم
كويس بالمضرب السلك اليدوى لحد ما السكر يدوب
ثم نضع الحليب ونضرب بالمضرب السلك بسرعة
ثم اضع الدقيق واقلب اقلب ولو لاحظت ان فية كلاكيع اصفية بالمصفاة
ندهن المقلاية خفيف بالزيت (يادوب امسحه بمنديل)



واملى الكبشة (المغرفة الغويطة) بالخليط وانزل فى المقلاية بس راقة خفيفة جدا
لحد ماتمسك واقلبها على الوش التانى وبعدين اشيلها وهكذا لحد مانخلص الخليك كله
ادعك الكريم باتسير كويس قوى بالمضرب
اضع واحدة امامى ثم اعمل بالقمع بمقدار الكريمة خط بالعرض
ثم ارصص عليه قطع صغيرة من المانجو والف الكريب على هيئة اسطوانة
ثم اقطعه بالسكينة بالورب وازوقه بالمانجو والكريمة
وبالهنا والشفا


مانجة جراتان

راقة اسبونج كيك - 150 ج كريم باتسير - 50 ج كريم شانتى - 50 ج مربى مانجة - مانجة مكعبات - جيلى للتلميع
الطريقة
نضرب الكريم باتسير بالمضرب السلك كويس
ثم اضع علية الكريم شانتية واخلطهم ببعض كويس
اضع فى صينية بايركس راقة من الكيكة الاسفنجية بالفانيليا
ثم اضع عليها طبقة من مربى المانجو وافردها كويس
ثم اضع طبقة من المانجو المقطع مكعبات طبقة كويسة لقرب حافة الصينية
اضع خليط الكريمة على وش الصينية كله وافردة كويس
ثم ادخله الفرن واولع الشعله اللى فوق فقط علشان الوش يعمل جراتان يعنى يحمر
مش حياخد كتير يعنى خليكى جانبه لحد ماتطلعية
وبعد مايبرد لمعية بالفرشاه بالجيلى
وبالهنا والشفا

ملحوظة :
لازم يتعمل بكريم شانتى زى الدريم ويب مثلا لكن مش بكريمة لبانى

جرانيتا الفراولة


150 ج عصير فراولة - 150 ج عسل
مقدار العسل : كيلو ماء - 750 ج سكر - ليمونة (تعصر الليمونة بعد غليان الماء والسكر )
الطريقة
نضع عصير الفراولة والعسل فى طبق غويط واضربهم بالمضرب السلك كويس
اصب الجرانيتا فى صينية بدون حواف(زى بتاعة البيتسا او السويسرول) بس تكون طبقة
رفيعه جدا وندخلها الفريزر لحد ماتجمد حوالى ساعه او ساعه ونص





جرانيتا الليمون
(معنى كلمة جرانيتا يعنى معجون الفاكهة)



150ج ليمون بلدى - 150ج ماء - 300ج عسل
مقدار العسل : كيلو ماء - 750 ج سكر - ليمونة (تعصر الليمونة بعد غليان الماء والسكر )
الطريقة
نضع عصير الليمون وبشر الليمون والعسل فى طبق غويط واضربهم بالمضرب السلك كويس
اصب الجرانيتا فى صينية بدون حواف(زى بتاعة البيتسا او السويسرول) بس تكون طبقة
رفيعه جدا وندخلها الفريزر لحد ماتجمد حوالى ساعه او ساعه ونص







جرانيتا المانجة


150 ج عصير مانجة - 150 ج عسل
مقدار العسل : كيلو ماء - 750 ج سكر - ليمونة (تعصر الليمونة بعد غليان الماء والسكر )
الطريقة
نضع عصير المانجو والعسل فى طبق غويط واضربهم بالمضرب السلك كويس
اصب الجرانيتا فى صينية بدون حواف(زى بتاعة البيتسا او السويسرول) بس تكون طبقة
رفيعه جدا وندخلها الفريزر لحد ماتجمد حوالى ساعه او ساعه ونص



الصوص
اللى بيوضع على الحلويات والآيس كريم وكل حاجة

صوص الفراولة

250 ج بيورية فراولة - 2 معلقة كورن فلور - ماء
نذوب الكورن فلور فى شوية ماء ونضع الفراولة على النار اول ماتغلى
نضع الكورن فلور واول مايبتدى الخليط يمسك نطفى

صوص المانجو

250 ج بيورية المانجو - 2 معلقة كورن فلور - ماء
نذوب الكورن فلور فى شوية ماء ونضع الفراولة على النار اول ماتغلى
نضع الكورن فلور واول مايبتدى الخليط يمسك نطفى

صوص التفاح

250 ج بيورية التفاح - 2 معلقة كورن فلور - ماء
نذوب الكورن فلور فى شوية ماء ونضع الفراولة على النار اول ماتغلى
نضع الكورن فلور واول مايبتدى الخليط يمسك نطفى




طريقة عمل الشكل : بعد عمل الصوص نضعه فى قراطيس صغيرة ثم نضع بجانب بعض على طول نقطة من كل لون وبعدين نجيب السكينة الرفيعه ونسحب من منتصف اول نقطة لتحت على طول لحد ماتوصلى لاخر نقطه حتعمل معاكى شكل القلوب دى

اسكندرانية
11-21-2009, 01:33 PM
صينية قرع العسلى بالبشاميل


http://files.fatakat.com/2009/8/1249273606.gif




واحدة قرع عسلى -500ج سكر - 100ج زبيب - 100ج بندق مجروش
100ج فستق مجروش - 200ج باسترى كريم - 100ج كريم شانتى
جيلى ساخن للتلميع
نقشر القرع ونقطعه مربعات ونشيل البزر
نضع القرع فى حلة على النار مع السكر بدون ماء خالص
(هو حينزل مايته ) لحد مايستوى القرع نصفية بالمصفاة لحد ما كل الماء الموجود
فيه ينزل كلهمن غير مانضغط عليه نضعه فى الصينية ونضع علية الزبيب والبندق والفستق
ونضغط على المكسرات بظهر المعلقة علشان يمسك فى القرع
نضع الباسترى كريم فى طبق غويط ونحركه كويس بالمضرب السلك علشان ينعم شوية
ونضيفله سنة حليب اثناء الضرب ثم نضع علية الكريم شانتى ونخلطهم ببعض تانى كويس
نضع الخليط دة واسمه (بشاميل حلو) على وش صينية القرع العسلى ونرش رشة سكر بودرة
ةندخله الفرن تحت الشعلة علشان ياخد لون بس من فوق
وبعد ما يطلع من الفرن نلمعه بالجيلى الساخن بالفرشاه
وبالهناوالشفا



البشاميل الحلو للحلويات



200ج باسترى كريم - 100ج كريم شانتى
الطريقة
نضع الباسترى كريم فى طبق غويط ونحركه كويس بالمضرب السلك علشان ينعم شوية
ونضيفله سنة حليب اثناء الضرب ثم نضع علية الكريم شانتى ونخلطهم ببعض تانى كويس
ونضعه على وش الصينية




الكريم باتسير

دى طريقة عمل الكريم باتسير فى البيت
كيلو حليب - 200ج سكر - 80ج كستر بودر - 4 صفار بيض - 2 ونص ج فانيليا
الطريقة
نضع فى طبق يلاستيك السكر وصفار البيض والفانيليا والكاستر بودر
ونضربهم بالمضرب السلك كويس قوى قوى
نضع الحليب على النار لحد مايغلى ثم نضع علية الخليط ونخلط بالمضرب السلك كويس
يادوب غلوة على النار ثم نضعها فى طبق ونغطيها بسرعة
بكيس بلاستيك ونقفل على وش الطبق كويس قوى علشان
متعملش قشرة (الطبقة الجامدة اللى بتتكون دايما على الوش)

اسكندرانية
11-21-2009, 01:34 PM
الكنافه
طريقة عمل ديسك الكنافة



نقطع الكنافة كويس ونخلطها كويس بذبدة وسكر بودرة ثم نضعها فى صينية على
هيئة راقة خفيفة رفيعه وندخلها الفرن وبعد ماتستوى نسقيها بالعسل الخفيف
وبعد ماتبرد ناخدها ونكسرها خالص


مقدار الميكس كريم
كيلو كريمة لبانى – 80 جرام سكر – 250 ج كستر كريم



كنافة تركى



كنافة محمرة – قشطة – عسل نحل (ابيض) – كاجو وبندق ولوز
الطريقة
زى ماشرحتلكم قبل كدة حنعمل ديسك كنافة وبعدين نكسره ونفرمه ناعم ثم
نضع عليه حوالى 3 معالق كبيرة عسل ابيض ونقلبهم علشان الكنافة تمسك
فى بعض نجهز الفورمة او الصينية ونضع فى القاع المكسرات (ونكون محمصينها )
تفرش المكسرات فى قاع الصينية ونحاول منخليش فراغات بين المكسرات
ثم نضع عليها الكنافة ونفردها كويس بأيدنا ونكبسها ونضغط عليها كويس قوى
ثم نضع على الوش دبسك القشطة ونبطط بأيدنا كويس عليه
ثم ندخله الفريزر علشان يجمد ولما نخرجها للتقديم نقلبها على الطبق
ونسكب عليها عسل ابيض
حتكون شكلها النهائى الكريمة تحت وفوقها الكنافة وفوقها المكسرات
وبالهنا والشفا







تارت كنافة بالبلح


بلح اسود ماسك نفسه – كنافة – كريمة جوز الهند – جيلى ساخن
كريمة جوز الهند)
كريمة جوز الهند
250ج جوز هند ناعم – 200ج ذبدة – 200ج سكربودرة – 3 بيضات
الطريقة
نخلط فى الخلاط الذبدة مع السكر كويس جدا ثم نضع البيض بيضة بيضة اثناء الضرب
ثم نضع الجوز هند
ونخلطهم لحد ماتتكون الكريمة
نقطع الكنافة كويس وندعكها بالسمنة كويس وبعدين نضعها فى صينية التارت ونبططها بايدنا كويس
قوى ثم نضع عليها كريمة جوز الهند ونفردها كويس بالمعلقة ثم نرصص البلح عليها
يغطى كل الوش ندخلها الفرن لمدة 45 دقيقة على درجة حرارة 160
وبعد مايستوى نلمعه بالفرشاة بالجيلى ونزوقه
بوحدات من الكنافة البرمة واصابع زينب
وبالهنا والشفا

كنافة عثمنلى بالمانجة


[ميكس كريم – مانجو مقطعه – 2 ديسك كنافة – ديكور
الطريقة
نضع ديسك الكنافة فى طبق وعليه بالقمع دايرة كريمة داير ما يدور الطبق
ثم نضع دائرة مانجة مكعبات ثم دائرة كريمة بالقمع ثم نضع
ديسك الكنافة الثانى ثم نزوقها بالمانجة
وبالهنا والشفا



كنافة قرع عسلى بالبشاميل



200 ج قرع عسلى – 200 ج سكر – قرفة – زبيب – مكسرات - كنافة
بشاميل ( 100 ج سكر – 100 ج زبدة – 100 ج دقيق – 100 ج حليب)
كنافة مفرومة خالص خالص خالص نضع عليها سمنة وسكر بودرة

الطريقة
اضع الكنافه فى قالب التارت ( بتاع البيتسا)وابططها كويس بأيدى وكمان الجوانب
اضع قرع العسلى على الكنافه فى القالب واكبسه كويس قوى
ثم اضع البشاميل على الوش وادخله الفرن
وبالهنا والشفا
طريقة القرع العسلى / اقطعه مكعبات واضعه فى حلة على النار مع السكر لحد مايستوى تماما
وينزل مايته ثم اصفيه خالص من الماء واضع علية
المكسرات والقرفة
طريقة عمل البشاميل/ لما الذبدة تسيح على النار اضع الدقيق واقلبهم ليندمجوا
ثم اضع الحليب مع التقليب كويس ولحد ما يتخن

ملحوظه

الشيف دايما لما بيجى يفرك الكنافة بعد ما بيقطعها بيضع على 1/2 كيلو الكنافة كوب سمنة + كوب سكر بودرة وبيفرك بيهم الكنافة كويس قوى

كنافة برمه بالقشطة




كنافة طرح (او خصل) – قشطة – فستق مجروش – شيرة
الطريقة
نفرد امامنا خصلة الكنافة واضع القشطة فى الكيس والقمع وانزل القشطة
فى منتصف خصلة الكنافة ونلف الكنافة بأيدنا كويس وجامد
ونضعها فى الصينية ونضع على الوش سمنة كتير قوى يعنى ممكن حوالى نص كيلو
(متخافيش ما احنا حنصفيها بعد ما تستوى)
وندخلها الفرن لحد لونها ما يحمر ونصفيها من السمنة اللى فى الصينية
ونسقيها بالشيرة وتقدم وممكن تعملى على طرفها قشطة وتحطى عليها فستق
مجروش

وبالهنا والشفا
ملحوظة

ممكن تتحشى بالمهلبية
كيلو حليب – 200 ج سكر – 100 ج نشا – باكو فانيليا




كنافة بلورية




½ كيلو كنافة – 150 ج سمنة – 250 ج فستق – 150 ج شيرة (قطر – عسل) تقيل
الطريقة
نضع السمن السايح على الكنافة المفرومة (او المقطعه)
ثم افرد طبقة كنافة خفيفة جدا جدا فى الصينية واكبسها كويس قوى
اضع يا دوب معلقة شيرة على الفستق واخلطه كويس علشان يتماسك
ثم اضع الفستق فى الصينية على الكنافة واضغط علية بطبق كويس قوى قوى علشان يتكبس كويس
واضع عليها شوية شيرة بسيطة
ثم اضع طبقة تانية خفيفة جدا جدا من الكنافة واكبسها كويس
ادخل الصينية الفرن حوالى نص ساعه على درجة 190 درجة
وبعد ماتطلع من الفرن نسقيها بطبقة خفيفة من الشيرة واقلبها
واقطعها قطع صغيرة مستطيلة
وبالهنا والشفا


شكلمة



350 ج جوز هند ناعم – 250 ج سكر بودرة – 250 ج بياض بيض – ½ باكو فانيليا
الطريقة
ندهن الصينية كويس بالذبدة
نضع فى الخلاط بياض البيض يتضرب كويس قوى قوى لحد ما يعلى لفوق
واول مايبقى كريمى نضع سكر البودرة ونستمر فى الضرب
ثم اضع الفانيليا ونستمر فى الضرب لحد ما يعلى ويمسك ثم اضع جوز الهند ونقلب من تحت لفوق
وندخلها فرن درجة حرارة 100 درجة لمدة ساعه او ساعه ونصف
بالهنا والشفا

يتبع ان شاء الله

اسكندرانية
11-21-2009, 01:34 PM
قالب الياجورت (الذبادى)


http://files.fatakat.com/2009/8/1249338530.jpg

2 ديسك سبونج – 15 ج جيلاتين ( معلقة كبيرة )
450 ج فريش كريم مضروبة (يعنى بقت كريمة جاهزة مش خام)
سير خفيف – جيلى ساخن للتلميع
250 ج ذبادى ( كوب وربع) – 100 ج سكر ( ½ كوب )
ميكس بيرى (عنب ديبو) او فراولة


الطريقة
اضع شوية ماء دافىء على النار واضع الجيلاتين مع التقليب بسرعه وجامد لحد ما الجيلاتين تدوب
اضع فى طبق الذبادى والسكر و ادوبهم مع بعض كويس بالمضرب السلك
ثم اضع الجيلاتين السايح عليهم وافلبهم جامد وبسرعه لحد ما يمتزجوا ثم
اضع الكريمة الفريش (المضروبة ) واقبهم كويس لحد ما يمتزجوا
فى القالب اضع ديسك اسبونج ثم يالفرشاة ادهنه بالسيرب ثم اضع وحدات من العنب
ثم اضع من مقدار الموس واساويه ثم اضع الديسك التانى ثم وحدات عنب ثم باقى مقدار الموس واساويه
وادخله الفريزر لمدة ساعه ولما اطلعه اشيل جناب القالب
وزوق الوش كله بالفاكهة وشرايح التفاح والمع بالجيلى

http://files.fatakat.com/2009/8/1249338653.jpg


http://files.fatakat.com/2009/8/1249338708.jpg



http://files.fatakat.com/2009/8/1249338858.jpg


http://files.fatakat.com/2009/8/1249338943.jpg


http://files.fatakat.com/2009/8/1249339022.jpg


http://files.fatakat.com/2009/8/1249339088.jpg


http://files.fatakat.com/2009/8/1249339169.jpg

اسكندرانية
11-21-2009, 01:35 PM
تشيز كيك ساخن




http://files.fatakat.com/2009/8/1249411314.jpg



100 ج بسكت دايجستيف – 3 صفار بيض – كيلو كريمى تشيز – 4 بيضات
300 ج ذبادى – 4 عصير ليمون – 4 بشر ليمون – 40 ج كورن فلاور (2 معلقة كبيرة)
زرة فانيليا (نص باكو) – 200 ج سكر ( كوب ) – مربى توت
الطريقة
افرم البسكوت ناعم واضع علية 2 معلقة كبيرة ذبدة سايحة وادعكهم ببعض
ثم ابططهم فى الصينية اللى بتتشال الجناب بتاعتها
فى الخلاط اضع الكريمى تشيز والسكر لحد ما يختلطوا مع بعض
ثم اضع الذبادى وينضربوا مع بعض
ثم اضع البيض الكامل بيضة بيضة لحد ما يختلطوا مع بعض
ثم اضع صفار البيض والفانيليا واضرب ثم اضع الكورن فلاور ِ
واخر حاجة عصير الليمون واخلط ثم بشر الليمون
اصب الخليط ( حيكون سايل ) على البسكوت فى الصينية واترك حوالى نص سم
واضع الصينية فى صينية اكبر بها ماء (حمام مائى)
ادخلها الفرن على 150 لمدة ساعه ونصف
بعد ماتستوى اطلعها واضعها شوية فى الثلاجة ثم اخرجها من الصينية واضع على وشها
فقط مربى التوت واساوية واضع زواق للمناسبة

http://files.fatakat.com/2009/8/1249435127.jpg

http://files.fatakat.com/2009/8/1249437125.jpg


http://files.fatakat.com/2009/8/1249437405.jpg


http://files.fatakat.com/2009/8/1249437532.jpg



http://files.fatakat.com/2009/8/1249437662.jpg

اسكندرانية
11-21-2009, 01:37 PM
الكيكة الاسفنجية
اسبونج كيك



10 بيضات
300ج دقيق ( 1 و ¼ كوب)
50ج كاكاو (1/2 كوب)
250ج سكر ( كوب)
باكو فانيليا
½ باكو بيكنج بودر
الطريقة
نضع البيض والسكر فى الخلاط على السرعه الاولى لحد السكر مايدوب وبعدين
على سرعة الخلاط لاعلى سرعه لحد مايتجانسوا
حوالى من 5 ل 7 دقايق
اضع البيكنج بودر و الكاكاو على الدقيق واضعه على الخليط
بعيد عن الخلاط واقلب بالراحة من تحت لفوق ثم
اضع العجينة فى 2/3 الصينية وادخلها الفرن درجة 160


ملحوظة يجب تشغيل الفرن قبل الخبز بنص ساعه

لا يجب الفتح علي الكيكه قبل مرور من 1/3 الي 1/2 ساعه علشان متهبطش منك




[كيكة بدون بيض (صيامى)

400ج سكر – 225ج زيت – 250ج ماء دافىء – 75ج كاكاو – 25ج بيكنج بودر
262ج دقيق – نص معلقة ملح – 4ج فانيليا – كريمة نباتى – عين جمل
فروت دراى
الطريقة
مقاس الصينية 28
نولع الفرن على درجة متوسطة قبل الشغل
نضع الزيت والماء الدافىء والسكر وندوبهم مع بعض بالمضرب السلك لحد مايدوبواونضع الفانيليا
اضع الملح والبيكنج بودر على الدقيق واخلطهم
ثم اضعهم على الخليط اللى دوبناه فوق واخلطهم ثم اضع الكاكاو ونخلطهم بالمعلقة الخشب او البلاستيك
اضع العجينة فى الصينية فى فرن من 45 دقيقة لساعة
اضع على الكريمة شوية شيكولاتة سايحة واقلبهم
بعد ماتستوى وتبرد ادهنها من بره ومن فوق والاجناب كلها بالكريمه وندخلها الفريزر
لمدة نص ساعه وبعد ماتطلع اصب عليها الشيكولاتة المرواة وهو ساخن جدا
ارش رشة سكر بودرة على العين جمل وارصصه
على وش التورتة





انجلش ترايفل


http://files.fatakat.com/2009/8/1249442638.gif


سبونج كيك فانيليا – كمبوت خوخ – عين جمل – 4 باكو جيلى – باسترى كريم – فريش كريم
الطريقة
ندوب الجيلى فى لتر ونص ماء مغللى
نقطع الكيكة مكعبات فى طبق التقديم ونضع عليها عين الجمل ثم نضع مكعبات الخوخ ثم نصب الجيلى عليهم لحد مانملى الطبق وندخله الفريزر يجمد بعد ما يطلع نضع باسترى كريم على الوش ونفرده كويس وندخله الثلاجة يجمد ثم نضع على الوش طبقة كريمة ثم نعمل وردات بالكريمة وممكن نجمل بوحدات من الفراولة او الخوخ او الحرانكش

اسكندرانية
11-21-2009, 01:39 PM
http://files.fatakat.com/2009/6/1244607760.jpg



الطريقه

تخلط الجبنه الكريمي قليله الدسم مع الجنزبيل البودر مع سكر الفركتوزه (سكر الريجيم) ومع عصير الليمون
تحضر شرائح التوست بان تقطع اطرافها وتفرد عليها الخليط
تجمل بودات من الكريم شاتيه وتقدم
,وادي المقادير


http://files.fatakat.com/2009/6/1244610141.jpg

اورانج كريم بورليه :
الطريقه اخلط الفانيليا مع السكر مع اصفر بيض+جزء من الفريش كريم لاحل به السكر)
اضع الجزء التبقي من الفريش كريم في حمام مائي واول ما يغلي اضيف عليه سرسوب خفيف من خليط البيض واضرب بالمضرب السلك حتي يتماسك الخليط ويعمل معايا عرق
يبشر البرتقال بشر خشن
اقشر البرتقال وانزع الجلد منه واستخلص فيليه البرتقال صف صف ويوضع في قالب بيركس
اضع بشر البرتقال علي الخليط اذا ظل علي الوجه ولم يسقط يدل علي نجاح الخفق ويصب في قالب بيركس فوق فيليه البرتقال ويترك حتي يبرد تماما ويدخل الثلاجه ثم اضع علي الوجه سكر بني ويدخل الفرن لياخد جرتان اي لون ذهبي



http://files.fatakat.com/2009/6/1244613188.jpg

الطريقه:
في اناء ا ضع الماء والزبدهوالملح والسكر يوضع علي النار حتي يبدا في الغليان
اضيف الدقيق دفعه واحده مع التقليب السريع المستمر لمده 5 دقلئق تترك العجينه لتبرد او تفرد علي الرخامه لتبرد
توضع العجينه البارده في العجان مع اضافه البيض بيضه بيضه بحيث اضيف بيضه وانتظر حتي تمتزج بالخليط ثم اضيف الاخري وهكذا حتي تنتهي كميه البيض
ابلل يدي بالماء وابلل كيس الحلواني واضع فيه الخليط
تشكل علي هيئه كور او وردات ضغيره فوق صينيه مدهونه وملصوق عليها ورقه زبده وتدخل الفرن(تدهن الصينيه من الاطراف فقط للصق ورق الزبده)
تجهز الحشوه بخلط الفريش كريم المخفوق مع الباستري كريم
يجهز صوص الشيكولاته بخلط اللبن والسكر والشيكولاته والكاكاو ويوضع في اناء علي النار يقلب جيدا ثم يضاف له عسل الجلوكوز وبعد ان يغلي الخليط يضاف له الزبده
تحشي كورات البروفترول بالحشوه وذلك بعمل فتحه ببوز كيس الحلواني وادخال الحشوه عن طريق الكيس حتي تمتلاء ( يمكن فتحها بخشبه خله او بمسن المطبخ)
في بوله عميقه او كاس توضع كور البروفترول المحشيه ويصب فوقها صوص الشيكولاته وهو دافيء وتجمل بالشيكولاته المبشوره والكريم شانيه وبالف هنا


ميلتون:

المقادير:150جم زيت ذره- 250جم لبن رايب 10 جم بيكنج بودر 150 جم صور كريم- 150 سكر 250 جم دقيق 100 جم كاكاو

الطريقه:

يخفق البيض مع السكر في اليكسر يذوبوا فقط مع اضافه الفانيليا
انزل براحه بالزيت ثم البن الرايب ثم الصور كريم
انخل الدقيق والكاكو والبيكنج بودر وانزل بيهم علي الخليط السابق(ملحوظه لا اريد للخليط ان يعلي بس يبقي سائل)
تبطن الفورمه بالزبده والقيق ويزال الزائد منها اضع بيها الخليط علي درجه 180 درجه لمده 35 دقيقه
بعد ما تخرج من الفرن وتبرد ادخلها الفريزر ثم تقطع بقعاه دائريه من النصف لتملا بكريمه الجناش ثم تدخل الفرن تاني لمده 30 ثانيه لاذابه الجناش
وتقدم دافئه مع الايس كريم وصوص الشكولاته

اسكندرانية
11-21-2009, 01:40 PM
عجينه الفيتاج(الميل في)


(الشيف حسن)

http://files.fatakat.com/2009/6/1245637337.gif

1 كيلو دقيق- 550ماء مثلج -كيلو زبده (افضلها الخليط بين الزبده الحيواني 25% وزبده نباتي 75%) -1/2 ملعقه ملح

http://files.fatakat.com/2009/6/1245637405.gif
· توضع الزبده في كيس وافردها بداخله حتي تاخد شكل الكيس وتصبح قطعه مستطيله وتوضع في الثلاجه
· في العجان اضع الدقيق والماء والليمون والملح ونعجن 3 دقائق علي السرعه الاولي 4 دقائق علي السرعه التانيه
· اخرج العجينه واتركها ترتاح لمده 15 دقيقه
· ارش علي الرخامه الدقيق تفرد العجينه بسمك 1 سم بعد رش الدقيق فوقها
· بعد الفرد تنظف العجينه من الدقيق بفرشاه جافه
· اخرج الزبده من الكيس بحرص حتي تحتفظ بشكلها المستطيل
· اقفل العجينه عليها كانها ظرف من الاربع جهات
· ثم افرد العجينه وبداخلها الزبده بهدوء حتي لا تخرج الزبده منها
· تطوي العجينه مره من اليمين ثم تطوي من اليسار ثم تطوي كالساندوتش
· تترك العجينه في الثلاجه لمد ساعه او ساعتين
· اخرج العجينه مره اخري وافردها واطويها بنفس الطريقه عده مرات(من 4 الي 5 مرات) ثم تشكل حسب الرغبه
· بعد التشكيل تدخل الفرن لمده 15 دقيقه درجه حراره 200

ودي بعض الصور المساعده للشيف اسامه:
http://files.fatakat.com/2009/6/1245637199.jpg


http://files.fatakat.com/2009/6/1245638460.jpg



http://files.fatakat.com/2009/6/1245638592.jpg

اسكندرانية
11-21-2009, 01:41 PM
الايس كريم
(الشيف حسن)

http://files.fatakat.com/2009/6/1245698781.gif
http://files.fatakat.com/2009/6/1245698853.gif
لتر لبن فريش-50 جم عسل جلوكوز(1/4كوب)-50 جم زبده(1/4 كوب) 250 سكر(11/4كوب) 1 م كبيره فانيليا 8 اصفر بيض-50 جم لبن بودر-10 جم مثبت ومحسن ايس كريم

http://files.fatakat.com/2009/6/1245698943.gif


·اخد من اللتر 100 جم لبن اخلطهم مع الاصفر بيض والفانيليا ومثبت الايس كريم مع السكر ويضرب بالمضرب السلك(الخليط الاول)
·بقيه اللتريوضع علي النار مع الزبده مع العسل الجلوكوز واللبن البودرحتي يغلي اللبن
·اضيف اللبن كسرسوب رفيع جدا مع الخفق السريع جدا بالمضرب السلكواعمل الاختبار للنضج كالاتي(اضع ملعقه الخفق في الخليط ثم اعمل فيها خطا باصبعي في المنتصفاذا التحم الخطان يبقي لم ينضج بعد)
·يترك ليبرد ويصفي ثم يوضع في ماكينه الايس كريم اذا لم توجد الماكينه فيتبع التالي
·بعد ان يبرد الخليط يوضع في اناء مثلج سبق وضعه في الفريزر ثم يغلف جيدا ببلاستيك فويل ويدخل الثلاجه لليله كامله(للتعتيق) هذا الخليط يسمي الاساس او البيز
الايس كريم اليدوي عباره عن كوب من البيز +2كوب فريش كريم مخفوق ويوضع في الثلاجه في بوله مثلجه
ملحوظه:اذا اردت عمل ايس كريم قهوه اضيف 1/4 كوب قهوه للخليط وبنفس الطريقه لايس كريم الشيكولاته وايس كريم الكراميل

م/محمد جمعه
11-21-2009, 09:49 PM
تسلم الأيادى يا أم مازن
منورة المطبخ

ويارب ندوق حاجه المرة دى
ههههههههههههه

سعيد ابومازن
11-21-2009, 10:37 PM
يابنى انسا احنا بقالنا كتير بتحايل عشان ندوق حاجه مش عارفين
يارب عقبال الشيف فودة لما يعملنا وصفه حلويات رائعه
شكرا ام مازن على الاكله الجميله
بجد الواحد شبع من الاكل على الاخر

اسكندرانية
11-30-2009, 02:24 AM
مشكورين على المرور وان شاء الله في اقرب فرصة نبقى ندوقكووووووووووو ربنا يسهل